更新时间:2019-06-26

切腹:དམར་པོ་སྙིང་གི་མཆོད་པ།

གློག་བརྙན་དངོས་ནས་ཡག་སོང་། མི་སྣའི་ཞིབ་བརྗོད་དང་ཕྱིར་དྲན་གྱི་དོན་བརྗོད་ཐབས་ལམ་སྤྱད་པས་༼ར་ཤོ་མོན༽《罗生门》དང་འདྲ་ལ། ཉི་ཧོང་དྲག་རྩལ་ལུགས་ཀྱི་སྙིང་སྟོབས་དང་གནས་སྟངས་ཞིབ་འབྲི་ཡི་བརྗོད་དོན་བཟུང་ཡོད་པས་༼དྲག་རྩལ་པ་བདུན༽《七武士》གྱི་གྲིབ་མའང་འདུག དེ་ནི་གཞུང་རྩོམ་མཁན་桥本忍གྱི་འཁྲབ་གཞུང་གི་ནུས་ཤུགས་ཡིན་སྲིད། གློག་བརྙན་ཁྲོད་དུ་དྲག་རྩལ་གྱི་རྣམ་པ་མང་བོ་མེད་མོད། རེ་གཉིས་ཡོད་པ་ལ་དམར་འཛིང་གི་སྡུག་རྩུབ་མེད་པར་གར་གྱི་སྟངས་སྟབས་ལྟ་བུའི་མཛེས་ཉམས་ཀྱིས་ཕྱུག་ལ། གང་ལ་གང་དགོས་ཀྱི་གནད་ཀ་ཙམ་ལས་མི་དགོས་པའི་ཞིབ་འབྲི་དང་འུད་བརྗོད་མེད་པར། བརྙན་མིག་ཧ་ཅང་གཙང་ལ་འཕྲལ་ཐག་ཆོད་པ་ཞིག་རེད། མཐའ་མཇུག་དྲག་རྩལ་བ་རྒན་པོས་གཅིག་གིས་བརྒྱ་ལ་འགྲན་པའི་དཔའ་ཉམས་ངོམ་རྗེས་ཤི་གསོན་སྲོག་ཏུ་འཛིན་པའི་དྲག་རྩལ་པའི་ལུགས་ལ་གསུས་ཁོག་གཤག་སྟེ་དམར་བོ་སྙིང་གི་མཆོད་པ་འབུལ་བའི་རྣམ་པ་དེ་ཡིས་ལྟད་མོ་བའི་ཡིད་སེམས་དྲག་ཏུ་གཡོ་བར་བྱེད་ཀྱང་གློག་བརྙན་གང་དེ་སྒྱུ་རྩལ་གྱི་མཐོ་ས་རུ་བསྐྱལ་ཏེ། ཉི་ཧོང་དྲག་རྩལ་ལུགས་ཀྱི་བླ་ན་མཐོ་བའི་སྙིང་སྟོབས་དང་གསུས་པ་གཤག་པའི་ཆོ་ག་ལ་དྲང་བདེན་སྤྲད་པ་དང་། མི་རྣམས་ཀྱི་རང་སྣང་གི་བདེན་ལུགས་ལ་ཚ་འདྲི་ནན་མོ་བགྱིས་འདུག