"一千個人眼中有一千個哈姆雷特"，有人會問你第一部睇的港劇係邊部亦都會有人問你睇嘅第一部tvb醫療劇係邊部？我一定會回答係On Call36小時！無辦法講呢套劇帶俾我後續影響包括人生觀價值觀有幾大，反正自此之後所有醫療劇我都會準時收睇永無錯過！！
我睇過咁多部醫療劇，小兒外科題材的醫療劇都算係第一次詳細以一部劇集完全呈現，所以我都一直期望套劇可以快啲出街！星空下的仁醫作為2021TVB重磅推出的台慶劇無疑係最受期待，超強卡司陣容亦都係由一班有演技又暌違多年銀幕的演員組成，鄭嘉穎馬國明鐘嘉欣周家怡羅子溢郭少芸！呢啲演員單拎兩個出嚟一齊合作演戲我都會追咖！！
講返星空下的仁醫 / 角色
許甘楓Jonathan
KC飾演的角色係好熱血好識為病人著想的好好醫生，但性格會較容易火爆，對於patient有自己一套相處之道，佢係"超有sense嘅鬍鬚醫生👨🏻⚕️"對KC拍劇的印象僅停留左係怒火街頭Law霸一角，所以今次見到佢返來再拍港劇都好surprise。由於20年前一次醫療事故原本與況叢昕係best friend到決裂的地步，後面又因為機緣巧合二人係安妮醫院再合作。
況叢昕Amos
馬明真係tvb劇集的醫生專業戶🤣🤣有人統計出佢出道22年一共演左14次醫生👨🏻⚕️呢個角色係比較圓滑識為人處事，你可以話佢世故，話佢做事有目的有野心，但佢絕對都係好醫生！有人話Amos之後會"黑化"，但我就唔會咁樣認為，係我眼中佢係做大事的人，將眼光會放到好長遠，想聯同Jonathan,Eman,Kay成立一個special team專門做人地唔敢做的手術，team名hard case surgical team(花名：黑team😅)令自己有籌碼嚮手，要實現師傅同自己的願望，成功係香港建立一個兒童中心。
章以芯Eman
嘉欣bb你知唔知好多fans都好掛住你想你多啲返嚟tvb拍戲啊😭😭😭對上一次你擔正做主演嘅戲已經係五六年前警犬巴打😫😫😫超級開心又可以見到你出現係銀幕上，呢個角色我認為就係Jonathan同Amos出現矛盾甚至係對立時的緩衝器或者沖淡劑，令大家之間的關係溫和calm down返。▷好好珍惜你呢首歌係由你作曲演唱的，演而優則唱講的就是你吧🥺🥺我已經loop左幾十次啦！！！！
「最好玩的三人組我超級鐘意！互動勁自然」
麥海琪Kay
真係好耐無見家怡返來tvb拍劇了，對上一次港劇見到佢仲係八年前的On Call36小時，講真如果唔係知道官配魚頭夫婦，我都會偷偷磕一下一件頭✘琪琪(我的on call魂回來了)呢個角色偏向於做admin行政工作，佢因為夠聽話被上司以鞏固自己勢力而升做外科主管，呢個角色我會覺得佢有少少自卑，因為驚自己的升職得唔到眾人信服，所以一直都俾好大壓力去push自己做好多野。其實都有從阿kay的角色睇到自己工作當中的狀態。
文柏熙Max
時隔好耐啊真係好耐，我又終於可以見到謙仔演醫生啦☺️☺️☺️由洋蔥到阿Max不變的都是跟一件頭到Amos🤣🤣🤣真真真•爺青回！呢個角色應該係屬於比較容易自卑唔自信的，需要不斷俾人鼓勵支持先會慢慢學識自信睇到自身價值，因為妈妈係優秀的醫學院教授，無形當中自然會俾到好多壓力自己，久而久之兩母子亦會產生溝通交流的障礙。
郭葆晶Joey
以往醫療劇都會著重將大篇幅放係醫生救人本身，但今次都會在劇中有詳細講解麻醉師呢個角色，通過劇集我都有了解到其實麻醉師係手術當中的作用都好重要。麻醉師要監視病人的生命指數，令病人手術過程中keep住最好的狀態。芸姐都有好耐無見了，演技都一樣咁好，同馬柔雲飛飛感覺完全唔同👏🏻👏🏻👏🏻
「以前一直覺得醫生好偉大，可以拯救病人，但其實醫生可以做到的事實在是太少了」睇左咁多年醫療劇，宜家先至真正算理解呢句話。每個病人都帶住唔同的期望來到醫院，但最終都只有一個目的就係健康出院。係醫院你會見到很多生離死別，亦會有人間溫情，醫護人員對病人的關懷，病人與家屬的催淚互動。每個case嘅patient我都記得！星空下的仁醫播出到宜家為止，幾乎每一集我都有喊，本人眼淚唔值錢😭😭😭而且劇情發展緊湊，手術救護場面有專業人員從旁協助，務求呈現最真實一面！！TVB職業劇獨特魅力🚑🚨
btw. 哩部劇真係見到好多優秀的實力派演員，好多on call的演員班底，一件頭琪琪洋蔥湯圓明太子🤓🤓🤓(本人徹底激活on call魂
tvb的醫療劇你永遠可以相信！！！💜💜💜
