记于2021年3月18日，4月22日进行补充。
睇完驯龙高手3，呢个系列彻底结束了..感动之余又觉得好不舍，虽然前两部大概讲d咩内容已经基本上唔记得了，但糸都糸决定写影评嘅时候尽可能去将呢份回忆好好咁保存落来。
睇弹幕人地话呢部动画从第一部到第三部经历左10年..系好多人嘅青春，虽然我系中途第一第二部连住睇，但系仲记得当时自己睇完之后一发不可收拾，超中意无牙仔~糸我印象里边嘅无牙仔真糸好似只狗狗，平时虽然好调皮但糸嗝嗝出现危险就会奋不顾身；就算嗝嗝整嬲佢，佢除左会发一阵脾气，好快就会比台阶嗝嗝落~
宜家第三部都结束啦，驯龙高手系列都结束啦~感谢导演比左个非常完美嘅结局我地，不仅如此，导演仲另外拍左番外等观众可以了解大结局之后无牙仔同嗝嗝一家人嘅生活~无牙仔同嗝嗝一家人都幸幸福福甘各自成长、幸福甘继续生活落去，一d节日里边，无牙仔仲会带住自己嘅屋企“龙”翻来搵嗝嗝过节，有种个仔娶左老婆之后回门嘅感觉~太温馨啦啦啦~~~!!!
( 2021年3月18日观看 ) 记得抖音上边有网友总结得好搞笑。
第一部：无牙仔帮嗝嗝搵老豆老母
第二部：无牙仔帮嗝嗝搵老婆
第三部：无牙仔帮自己搵老婆
糸第三部里边，导演从一开始就表明光煞先糸女主角，出场次数仲多过嗝嗝老婆（笑死）。第三部中贯彻左《驯龙高手》一贯嘅主线：坏人入侵，嗝嗝同无牙共同保护家园。
坏人捉左好多条龙好驱使佢地，佢地想捉无牙仔，挪光煞做诱饵，无牙仔个衰仔又真糸为左老婆就冲动好多，比坏人抓走 [捂脸] 衰仔仲要怕老婆..
呢一部里边，龙同维京一族已经彻底融合，龙同维京一族都可以和谐共处，基本上每个维京人都有一只龙坐骑。无论糸嗝嗝定糸无牙，导演都比左佢地一个好完美嘅结局：嗝嗝带领全族去左一个新嘅地方安居，成功做上左族长，迎接左前任族长嘅女；而无牙仔，同光煞仲有好多龙都安居糸真正嘅“隐秘之境”度，无牙糸龙王。嗝嗝同无牙都分别统领住自己嘅家园~
《驯龙高手》除左正片出左3部，仲另外出左番外篇~如果唔糸豆瓣，可能都唔知道有禁多番外，当时只搵到两部，点知原来有四部！喜滋滋，糸佢地幸福生活嘅见证~
《归家》 呢部番外设定嘅时间已经糸无牙带住光煞翻翻隐秘之境比较长时间之后嘅事情了，出现一个好尴尬嘅情况，维京人 (嗝嗝) 嘅后代对龙有好深嘅误解，开始认为龙糸一种可怕又凶恶嘅怪物，而无牙嘅bb，同样都以为人类糸可怕嘅生物，糸呢个背景下，无牙嘅仔女偷偷来到嗝嗝嘅部落观摩，嗝嗝作为族长，开设左一个舞台剧，教育小朋友龙糸朋友并非糸敌人。
其实后尾有少少遗憾，舞台剧着火，过来搵仔嘅无牙见到之后过来搭救，成功帮嗝嗝解决左问题，但糸佢地由此至终都无见过面，嗝嗝亦都唔知道无牙仔一家人来左，如果可以打个招呼相互认识一下，甘就更加完美了~
《青衣节日志》 青衣节，无牙仔一家过来同嗝嗝一家过节啦~ 青衣节类似于现实版嘅圣诞节，家人会重逢互相祝福~其实呢部有d似“直播”，摆左个镜头糸火炉面前，并唔糸每时每刻都有故事，而糸隔一段时间就会有人从镜头前经过，如果屋企有投影，播呢条片就类似于同无牙仔、小嗝嗝佢地一齐过节咁~最后嘅最后糸大合照❤
