更新时间:2010-09-03

盗梦空间:盗梦空间--所有都只是一场梦！

琴晚去睇完盗梦空间，剧情非常过瘾，俾到我呢D咁刺激过瘾感觉的电影，第一次系《xfile之征服未来》，第二次就系呢出《Inception》。行出电影院，我地全部人都O晒嘴，仲系度质疑紧故事里面的细节，和个结局--究竟个陀螺有无停？当然，每个人的念法都唔同。我控制唔到我不断思考呢出戏，因为有好多问题始终念唔通。念到点几钟，终于念通晒，安然去训教。训醒宜家就将我的念法写出黎：其实，成出戏都只不过系Cobb的一场梦，植入思维呢个行动系根本唔存在的--编剧和导演聪明地成功地忽悠晒全世界的人，个悬念居然要绕咁大个弯啊~~~以下系我的理由：

1. Fischer醒来之后，好似对头等舱的所有人不熟悉，只是留下微笑。如果他们真系一起经历过差不多10个小时的盗梦过程，而且Fischer又系一个训练有素的人，系根本冇可能对旁边D人一D反应都冇的，至少佢会觉得佢被身边D人整蛊，而知道一切都是个局是个梦，唔会去相信佢老爸讲的disappointed的含义。（就系因为呢个细节开始，我相信呢个只不过是Cobb的一个梦，同Fischer冇关，从而念起以下更多的细节。）

2. Fischer同齐藤都是出名的企业家，而且如果按梦境假设，佢两个仲系最大的竞争对手，当系头等舱登机的时候，Fischer见到齐藤坐系佢隔离，一定会觉得有古怪。不过刚刚相反，Fischer好似唔认得齐藤，只是同Cobb倾咗两句。或者你可能会质疑我，齐藤可能会系后来先入去或者系伪装过所以Fischer唔认得，不过，Fischer系训练有素的企业家，呢D关乎安全的问题，冇理由咁唔警惕吧？更何况，等大家都醒来的时候，Fischer一定见到齐藤啦，咁都冇反应？咁都唔知系个局？所以最有力地说明了，Fischer同齐藤，唔会系竞争对手！！！

3. Cobb同齐藤苏醒之后，唔见咗个同步机~按照原理，如果冇同步机，佢地唔会系同一个梦喔。所以同步机只不过系Cobb梦里面的一台机器而已。

4. 盗梦的理论假设中，limbo（混乱状态）苏醒后，应该会丧失好多记忆的，齐藤第一层中枪后，Cobb已经讲过呢个系盗梦的副作用。不过点解当Cobb同齐藤一起醒来的时候，齐藤会第一时间记得要打电话为Cobb放行呢？而Cobb会第一时间记得望住齐藤睇下佢有无兑现诺言了？

5. 如果大家真系完成咗一个任务，点解落机之后，大家形同陌路人呢？正常应该系去分赃啊！冇理由果D Partners义务劳动噶！

6. 个Granpa去接机，不过佢净系接Cobb喔，Ariadne (Architect) 个女仔，应该系佢最优秀的学生，点解唔理佢呢？讲唔过去啊。或者，佢Ariadne同个granpa系素不相识的！

7. 电影一开头，系个grandma帮两个小朋友同Cobb通电话的，不过当Cobb翻到屋企，好似冇grandma呢个角色出现了。我地可以理解成grandma只不过系Cobb梦境里面的一个人。不过呢个点唔重要啊，事关个grandma的下落可以好多种解释。

所以，到最后，个陀螺有无停，根本就唔重要。一切都只是Cobb系头等舱见到D人后所产生的梦，不过个梦实在系太深了，所以佢自己都有D心有余悸，所以拿个陀螺拧下。其实，成出戏仲有好多疑点的，我就唔一一讲了，不过如果认为一切都只是个梦，梦又可以任意虚构的话，一切疑点都唔系疑点。呢个就系我觉得编剧同导演最高明的地方！