更新时间:2017-08-14

父女情:مەن ءومىردى سۇيەمىن

8 جاسار كيتتي مەن 25 جاس كيتتيدىڭ تاعدىرى قوس ۋاقيعا جەلىسى ەتىلىپ قاتار باياندالادى. اكەسىنىڭ ەكى كىتابىن تامامداعانداعى كوڭىل-كۇيى، ديالوكتارى كەرەمەت شەبەرلىكپەنەن سالىستىرا كىرىستىرىلگەن. ۋاقيعانى ارعى جاعى نە بولاتىنىن سەزە باستاعاندا توقتاتا قويىپ ەكىنشى سيۋجەتكە زور سەكىرۋى ءسات سايىن بۇل سەنىڭ قيالىڭداعى جەلى ەمەس ناعىز ءومىر دەگەندى ەسكەرتىپ وتىرعانداي. ادامنىڭ تاعدىرى دا سونىسىمەن قىمبات بولسا كەرەك، كەلەسى مينوتتا نە بولارى ماڭگى جۇمباق!
ءبىر ىرەتكى ماشينا شىرعالاڭى كىشكەنتاي كيتتيدىڭ ءومىر جولىن مۇلدەم باسقا ارناعا بۇرىپ جىبەرەدى. اناسىنىڭ قايتىس بولۋى، اكەلى-بالالى ەكەۋىنە مۇلدەم ءبىر توسىن سىناق. سول ۋاقيعادان كەيىن رۋحاني اۋىرۋعا شالدىققان اكە، كىشكەنتاي قىزىنا ءتىپتى دە جاقسى تۇرمىس، سۇيىسپەنشىلىك سيلاي الۋ ءۇشىن رۋحاني اۋىرۋلار ەمحاناسىندا 7 اي ەم قابىلداۋعا كونەدى، ودان شىعا سالا جىعىلعان ۇستىنە جۇدىرىق دەگەندەي ناعاشى اپايىنىڭ كيتتيدى اسىراپ الامىن دەپ تاستاي جابىسىۋى، سوتۆقا دەيىن بارىپ قورلاۋى، بىردەن بىر شىعار جول دەگەن كىتابىنىڭ وڭ باعا الا الماي جان جاقتان قىسقان اۋىر باسىم جۇيكەسىن ونان ارى جۇقارتادى. سودان قىسقا عانا ءۇش اي ىشىندە "اكە مەن قىزى" اتتى ءومىرىندەگى ەڭ سوڭعى رومانىن جازىپ اياقتايدى. مۇزەيحانادا قىز شەشەسىن ساعىنىپ جىلاپ: اكە سەن ولمەشى، ۇزاق جاسايسىڭ عوي ءا- دەپ سەرتتەسۋىن شەبەر كىرىستىرگەن. تاعدىر قاشاندا تاعدىر، قاشان ادامنىڭ ارمانداعانىمەن جۇرگەن؟ ەڭ سوڭعى كىتابىنىڭ بار ادەبي سيلىقتى تۇگەلىمەن جەڭىپ العان ءساتىن ءوز كوزىمەن كورە الاي كەتەدى. ول ۇشىن دە قىزى ءۇشىن دە ونىڭ ماڭىزى شامالى ەدى، ول جاعدايدا. مۇمكىن كيتتيدىڭ كەيىنگى ءومىر جولى باسقاشا ورىلەر ەدى.
احاۋسىز پسيحيكا قالىپتاستىرۋ ءۇشىن ماحابباتقا بولەنگەن بالالىقتىڭ بولۋى- ورنىن ەشتەڭە دە باسا الماس العى شارت. 8جاسقا دەيىنگى اتا-انا ماحابباتىنىڭ شۋاعى جۇرەگىندە ۇلكەن كىسىلىك پەن ماحاببات گۇلىن بۇرشىك جاردىرعانىمەن، ودان كەيىنگى سۋىق كۇننىڭ ىزعارى شارپىماي وتكەن جوق. وندايدا، ورنى تابىلماس كوڭىلدەگى بوستىقتى "تولتىرۋعا" مەزەتتىك الدانىش- اراق، ويىن، جىنىستىق قاتىناس ت.ت لار "كومەككە" كەلىپ جاتادى. ال ونىڭ شىنايى ەمى اۋەلى تۇسىنۋ، ەكىشى قابىلداۋ، ۇشىنشى سۇيە ءبىلۋ ەكەنىن سوڭعى كورنىس ارقىلى جەتكىزە بىلگەن.
بۇگىننىڭ قادىرىنە جەت، ۇيتكەنى ەرتەڭىڭ بەلگىسىز.
كۇللى احاۋدىڭ ەمى- سۇيۋ.